ვაშლი და ჩვენი ჯანმრთელობა

ვაშლი მინერალებისა და ვიტამინების ყველაზე გავრცელებული წყაროა. ხილის ყველა სახეობიდან ის ყველაზე ხშირად გვხვდება სუფრაზე. სხვა საკითხია, ვინ და რა სიხშირით მიირთმევს მას. მინერალებიდან ვაშლი შეიცავს კალიუმს, ფოსფორს, კალციუმს, მაგნიუმს, ნატრიუმს და განსაკუთრებით დიდი რაოდენობით რკინას, ვიტამინებიდან – C, E, B1, B2, B6, PP ვიტამინებს, კაროტინსა და ფოლიუმის მჟავას. რაც მთავარია, ეს კომპონენტები ვაშლში ადვილად ასათვისებელი ფორმით და ჩვენი ორგანიზმისთვის მეტად ოპტიმალური კომბინაციით არის წარმოდგენილი.

თურმე ადამიანმა წელიწადში 48 კგ ვაშლი უნდა მიირთვას. ამასთან, 40% – გადამუშავებული, უპირველეს ყოვლისა – წვენის სახით. ამას ინგლისელ მეცნიერთა მიერ ჩატარებული გამოკვლევის მეტად საინტერესო შედეგები უდევს საფუძვლად. მონაცემები მოწმობს, რომ ვაშლის მოყვარულთა ფილტვები გაცილებით უკეთ ფუნქციობს, ვიდრე მათი, ვინც იშვიათად მიირთმევს ვაშლს. ამასთან, ვაშლის მოყვარულებს ნაკლები აქვთ ბრონქული ასთმისა და, საზოგადოდ, რესპირატორული დაავადებების განვითარების რისკი. ვაშლი მიჩნეულია ერთ-ერთ მძლავრ ანტიოქსიდანტად, რომელიც ფილტვებს თამბაქოს კვამლისა და ჰაერში არსებული მავნე ნაერთების ზემოქმედებისგან იცავს. ეს კარგად უნდა ახსოვდეთ მწეველებს და რეგულარულად მიირთვან ვაშლი. ვაშლში შემავალი ბიოლოგიურად აქტიური ნივთიერებები ამცირებს ათეროსკლეროზის განვითარების რისკს. ფიტონუტრიცევტული ნივთიერებები, რომლებიც უხვადაა ამ სახეობის ხილში (ასევე – მის წვენში), წითელი ღვინის მსგავსი თვისებებით გამოირჩევა – ამცირებს სისხლში ქოლესტერინის დონეს.

ვაშლის წვენი აჯანსაღებს გულ-სისხლძარღვთა სისტემას, სასარგებლოა გონებრივი შრომით დაკავებულთათვის. თუ საუზმემდე ყოველდღე ორ ვაშლს მიირთმევთ, გულის დაავადებათა განვითარების რისკს 20%-ით შეამცირებთ. გამოკვლევებით დადასტურებულია, რომ ვაშლში შემავალი ფლავონოიდები და პოლიფენოლები სიმსივნის საწინააღმდეგო ეფექტით გამოირჩევა – ბოჭავს ადამიანის ჯანმრთელობისთვის მავნე თავისუფალ რადიკალებს. ამ ნივთიერებებს ბევრად უფრო მძლავრი ანტიოქსიდანტური თვისებები აქვთ, ვიდრე იმავე ვაშლში შემავალ ჩ ვიტამინს. ვაშლის გარდა ფლავონოიდების ძირითადი წყაროა ხახვი. ნურც ის დაგავიწყდებათ, რომ ვაშლის რეგულარული მიღება აუმჯობესებს საჭმლის მონელების პროცესს და ნაწლავთა მიკროფლორას. ახალი წვნიანი ვაშლი იდეალური ჯანსაღი საკვებია – ის ადვილად ავსებს კუჭს, დაბალკალორიულია და მდიდარია ფრუქტოზით. ეს უკანასკნელი უფრო ტკბილია, ვიდრე საქაროზა, სამაგიეროდ უფრო ნელა ხდება მისი ათვისება, რაც ხელს უწყობს სისხლში შაქრის დონის სტაბილიზაციას. დიეტის დროს ან სამკურნალო-პროფილაქტიკური მიზნით ვაშლის მიღებისას მისი ჯიში აუცილებლად ჩვენების შესაბამისად უნდა შეარჩიოთ. მაგალითად, გასტრიტის, კოლიტის, სანაღვლე გზების დისკინეზიის დროს რეკომენდებულია მომჟავო-მოტკბო ჯიშები. ასეთი ვაშლის ფაფა დილით საუზმის ნაცვლად უნდა მიირთვათ, მერე კი 4-5 საათის განმავლობაში თავი შეიკავოთ სხვა საკვებისა თუ სითხის მიღებისგან. წინააღმდეგ შემთხვევაში კუჭში აირები დაგიგროვდებათ, რაც უფრო მეტად გაამწვავებს თქვენს დაავადებას. ასე უნდა იმკურნალოთ ერთი თვის განმავლობაში. მსუბუქი და საშუალო სიმძიმის მწვავე და ქრონიკული კოლიტების დროს ინიშნება გახეხილი ტკბილი ვაშლი – დღეში 1,5-2 კგ 5-6 მიღებაზე ორი დღის განმავლობაში. ვაშლი გახეხვისთანავე უნდა მიირთვათ.

რა უნდა ვიცოდეთ

ვაშლის თესლი მდიდარია იოდით. ამიტომ ვაშლი კურკიანად უნდა მიირთვათ. 5-6 კურკა შეიცავს იოდზე ორგანიზმის სადღეღამისო მოთხოვნილების შესაბამის დოზას.
რკინის დიდი რაოდენობით შემცველობის გამო ვაშლი უებარია ანემიების დროს. რეკომენდებულია დღეში 400-600 გრამის მიღება.
ვაშლი ამცირებს ცხიმების ათვისებას, გამოირჩევა სუსტი შარდმდენი მოქმედებით, მასში შემავალი უჯრედისი კი იწვევს დანაყრების შეგრძებას, ამიტომ წონის დაკლების მსურველებმა ვაშლი აუცილებლად უნდა მიირთვან. ძალიან კარგია განტვირთვის დღეების მოწყობა – მთელი დღის განმავლობაში, 5-6 მიღებაზე, უნდა მიირთვათ 1,5-2 კგ ვაშლი. ასეთი დღეები სასარგებლოა ჰიპერტონიული დაავადების მქონე ადამიანებისთვისაც.
ვაშლი უმჯობესია მიირთვათ ცოცხალი – თერმული დამუშავებისას ფლავონოიდების 70% იკარგება. სასარგებლო ნივთიერებები უმთავრესად ვაშლის კანსა და უშუალოდ მის ქვეშ არსებულ ფენაშია თავმოყრილი, ამიტომ ვაშლის გათლას არ გირჩევთ. მწვანე ვაშლში ჩ ვიტამინი უფრო მეტია, ვიდრე წითელში.

ვაშლი და ჩვენი გარეგნობა

ვაშლის რეგულარული მიღება ჯანმრთელობასთან ერთად გარეგნობაზეც აისახება. ის აფერხებს ნაოჭების განვითარებას, ასტიმულირებს თმის ზრდას. ვაშლისგან სახის კანისათვის მეტად სასარგებლო ნიღბები მზადდება. გახეხილი ვაშლი საუკეთესო დამატენიანებელ ეფექტს ახდენს. ნიღაბი ნორმალური კანისთვის – გახეხეთ ერთი საშუალო ზომის ვაშლი, შეურიეთ ერთი ჩაის კოვზი არაჟანი ან ზეითუნის ზეთი და ერთი ჩაის კოვზი სახამებელი. წაისვით სახესა და კისერზე. გაიჩერეთ 20 წუთი, ჩამოიბანეთ თბილი წყლით. ნიღაბი ცხიმიანი კანისთვის – წვრილად დაჭრილი ვაშლი მოხარშეთ ცოტაოდენ რძეში. მიღებული მასა წაისვით სახესა და კისერზე. გაიჩერეთ 20 წუთი, ჩამოიბანეთ გრილი წყლით. ნიღაბი მშრალი კანისთვის – გახეხეთ ერთი საშუალო ზომის ვაშლი, შეურიეთ ერთი ჩაის კოვზი თაფლი და ერთი სადილის კოვზი დაფქული შვრიის ფანტელი. წაისვით სახესა და კისერზე. გაიჩერეთ 20 წუთი, ჩამოიბანეთ თბილი წყლით.

წყარო: 1) http://mkurnali.ambebi.ge/

2) http://www.google.ge/search?q=%E1%83%95%E1%83%90%E1%83%A8%E1%83%9A%E1%83%98&hl=ka&tbo=d&source=lnms&tbm=isch&sa=X&ei=p5YfUbTkMOqC4ATWuYHIAg&ved=0CAoQ_AUoAQ&biw=1440&bih=777

კალორიების გამანადგურებელი 4 პროდუქტი

გრეიფრუტი – ნუთუ არასდროს გსმენიათ გრეიფრუტის დიეტაზე? ძალიან პოპულარულია, სხვათა შორის, კლინიკა Scripps-სის (კალიფორნია) ჩატარებულმა გამოკვლევებმა აჩვენეს, რომ ე. წ. გრეიფრუტის დიეტა ადამიანს ცხიმის მარაგთან ბრძოლაში რეალურად ეხმარება.

მეთოდის არსი უმარტივესია – ნახევარი გრეიფრუტი ყოველი ჭამის წინ… ადვილია, არა? დავამატებთ იმასაც, რომ გრეიფრუტში კიბოს უჯრედებთან მებრძოლი ელემენტებიცაა. ამ დიეტას იცავდა უკვე ხანში შესული სოფი ლორენი, მას ასაკშიც ჰქონდა უფლება, საკუთარი ფიგურით ეამაყა. თუ ვახშამზე ზომიერებას გადააჭარბეთ, გრეიფრუტის ჭამა ვახშმის შემდეგ სცადეთ.

მუცელში სიმძიმე მაშინვე გაქრება. ნახევარ გრეიფრუტში მხოლოდ 39 კალორიაა. თუ მაქსიმალური ეფექტის მიღწევა გსურთ, გრეიფრუტის შემდეგ 800 კალორიაზე მეტის მიღება არ ღირს. ამბობენ, რომ კალორიების სწორედ ასეთ რაოდენობას წვავს ამ საოცარი და გემრიელი ხილის ფერმენტები.

გოგრა – ძალიან ცოტამ თუ იცის, რომ გოგრა მშვენიერი პროდუქტია გამხდრობისთვის მებრძოლთათვის. გოგრაში მხოლოდ 40 კალორიაა, მისი სტრუქტურა ქსოვილურია და ძალიან სასარგებლოა.

უამრავმა გამოკვლევამ დაადასტურა, რომ ქსოვილური აგებულების პროდუქტები მარტო ჯანმრთელობისთვის კი არ არიან სასარგებლო, არამედ გახდომისთვის. გოგრა ძალიან ადვილად მზადდება, სანელებლებს, მუსკატის კაკალსა და ნუშს თუ დაუმატებთ, გემრიელიც ყოფილა, სასარგებლოც და დაბალკალორიულიც.

საქონლის ხორცი – ხორცი მოხდენილ ფიგურას ვნებსო, ასე ფიქრობდნენ წარსულში. არადა თუ ხორცს ქონი არ აქვს, მაგალითად, საქონლის ხორცს, ის საუკეთესო საშუალებაა გასახდომად. პირველ რიგში, ეს პროდუქტი ცილებითაა მდიდარი, ცილები კი ძალიან სჭირდება ჩვენს ორგანიზმს.

მეორეც – ცილები უფრო ადვილად მუშავდება, ვიდრე ნახშირწყლები. ერთი ნაჭერი ხორცი განაყრებს და შიმშილს ვერ გრძნობ. თუ შიმშილს ვერ გრძნობ, დიეტასაც არ ღალატობ. ბევრჯერ გსმენიათ ალბათ, რომ ცილების დიეტა უფრო ადვილი დასაცავია, ვიდრე სხვა დიეტები. დანაყრების გრძობა ცილებიანი პროდუქტების მიღების შემდეგ ადამიანს უფრო ხანგრძლივად უნარჩუნდება და ამიტომ არის ეს დიეტა უფრო ადვილი.

მწვანე ჩაი – მწვანე ჩაი – ღმერთის ნამდვილი საჩუქარიაო. ის – მდიდარია ანტიოქსიდანტებით, შესანიშნავად მოქმედებს ორგანიზმზე და იდეალური ვარიანტია გასახდომად. ჩაი ნივთიერებათა ცვლას აძლეირებს, საჭმლის მონელებას აჩქარებს, ცხიმების წვაში გვეხმარება და შესაბამისად, ფიგურის პრობლემებსაც შველის. ზოგი გამოკვლევით, დღეში 5 ჭიქა მწვანე ჩაი ჯადოქრობასავით იმოქმედებს და “შემომეჭამას” შედეგს მალე გაანელებს. სტრესის წინააღმდეგაც კი მოქმედებს.

მართალია, გამხდარი და სიფრიფანა მოდელების საუკუნე წარსულშია, მაგრამ ეს სულ არ ნიშნავს, რომ თავი უნდა მიუშვა და საჭირო კილოგრამებთან ერთად ზედმეტიც აკრიფო. ჭარბი წონა ალტერნატივად არ გამოდგება, ამიტომ სარკეში შენიშნულ არასასიამოვნო ცვლილებებს თვალს ნუ მოუხუჭავთ ხოლმე.

წყარო: 1) http://droni.ge/

2) http://www.google.ge/

3) http://www.youtube.com/

ჩიყვი ყველაფრის თავი და თავი

უამრავი პრობლემა რომელსაც ზოგჯერ ექიმიც კი ვერ ადგენს სტრიები, ხელების ოფლიანობა, საკუთარ თავში ჩაკეტილობა, დილით მოთენთილობა, მეხსიერების დაქვეითება, ეს ყველაფერი ჩიყვიდან გამომდინარეობს ალბათ ბევრისთვის მთავარი პრობლემაა სტრიები ბევრჯერ მათ გამომწვევ მიზეზს ვერცკი ადგენთ უშედეგოდ მკურნალობთ მაგრამ მაინც ვერ ღებულობთ სასურველ შედეგს აუცილებლად გაარკვიეთ გაქვთ თუ არა ჩიყვი ერთ თვიანი მკურნალობის შემდეგ აუცილებლად იხილავთ სასურველ შედეგს.

წყარო: 1) http://www.google.ge/search?q=%E1%83%A9%E1%83%98%E1%83%A7%E1%83%95%E1%83%98&hl=ka&tbo=d&source=lnms&tbm=isch&sa=X&ei=eGofUfuSGe364QSfyoDQBg&ved=0CAoQ_AUoAQ&biw=1440&bih=777&sei=fmofUeveA-f44QTlmIC4BQ

2) http://mkurnale.ge/

ზედაზნის მონასტერი

ზედაზნის მონასტერი, ქართული ხუროთმოძღვრების ძეგლი, მცხეთის ჩრდილოეთ-აღმოსავლეთით, არაგვის მარცხენა ნაპირზე, საგურამოს ქედზე.

ადრეულ ეპოქაში აქ აღმართული ყოფილა ზადენის კერპი, რომლის ადგილას VI საუკუნის 40-იან წლებში ასურელ მამას იოანეს ქართული მონასტერი დაუარსებია. XIX საუკუნეში ზედაზნის მონასტერში მოღვაწე ერთ-ერთ ქართველ მწიგნობრის მიქაელ წინამძღვრის ინიციატივით დაიწერა იოანე ზედანელის ცხოვრების მეტაფრასული რედაქცია.

სამონასტრო ნაგებობათაგან დღეისათვის შემორჩენილია ნათლისმცემლის სამნავიანი ბაზილიკა, რომელიც ააშენა კათალიკოსმა VIII საუკუნის დასასრულს (ადრინდელი დარბაზული ეკლესიის ადგილას). გეგმით კვადრატული ბაზილიკის შუა ნავი ვიწრო და მაღალია. აღმოსავლეთით ნახევარწრიული აფსიდა აქვს. შესასვლელი სამხრეთიდანაა (დასავლეთი შესასვლელი გვიანდელია). სამხრეთისა და ჩრდილოეთის ნავები მთავარ ნავს აგურის თაღოვანი გასასვლელებით უკავშირდება. ჩრდილოეთი ნავის აღმოსავლეთ ნაწილში მოქცეულია VI-VII საუკუნეების მიჯნაზე აგებული დარბაზული ეკლესია, რომლის გეგმით სწორკუთხა აფსიდა გადახურილია კონუსურ ტრომპებზე დაყრდნობილი ნალისებრი კონქრით. საკურთხეველი აქ ოთხი საფეხურითაა ამაღლებული. იოანე ზედაზნელის ქვის კუბო (იგი XVII საუკუნეში უნდა იყოს გაკეთებული), “პატიოსანი ლუსკუმა”, ერთი მესამედით საკურთხეველშია შეჭრილი.

ჩრდილოეთ ნავის დასავლეთ ნაწილში წყლის აუზია. სამხრეთ ნავი ორი ნაწილისაგან შედგება, ეკლესიაში შესასვლელი მთავარი ნავიდანაა (ადრე კი დასავლეთიდან იყო). ძეგლი ნაგებია რიყისა და ნატეხი ქვით, ნაწილობრივ აგურით. გვხვდება შირიმის ქვაც. ფასადები მარტივად და სადად არის გადაწყვეტილი, სარკმლები განლაგებულია ასიმეტრულად. მთავარი ნავის სარკმელი მორთულია “განედლებული” ჯვრის რელიეფით.ფასადზე ჯვრის მარტივი გამოსახულებაა.

ეკლესიას სამხრეთით ეკვრის თლილი ქვით მოპირკეთებული, ცილინდრულ-კამარიანი კვადრატული კარიბჭე, რომლის ორფერდა სახურავზე აგურით ნაგები თაღებით ოთხმხრივ გახსნილი რვაწახნაგა სამრეკლო დგას, მის დასავლეთით გამოყოფილია მცირე სენაკი (ორივე XVIII საუკუნე). ზედაზნის მონასტერი რამდენჯერმე შეკეთდა. 1970-1971 ჩატარდა სარესტავრაციო და კეთილმოწყობის სამუშაოები.

წყარო: 1) http://ka.wikipedia.org/

2) http://www.google.ge/search?q=%E1%83%96%E1%83%94%E1%83%93%E1%83%90%E1%83%96%E1%83%9C%E1%83%98%E1%83%A1+%E1%83%94%E1%83%99%E1%83%9A%E1%83%94%E1%83%A1%E1%83%98%E1%83%90&hl=ka&tbo=d&source=lnms&tbm=isch&sa=X&ei=LVgfUaKsIsfi4QSctoGADg&ved=0CAoQ_AUoAQ&biw=1440&bih=777&sei=hFgfUbvfJurw4QTN-IDQBg

უცნაური ხილი, რომელიც არასდროს გიჭამიათ

ხილი ძალიან ბევრ ადამიანს უყვარს. სასარგებლოა, არც ასუქებს და ძალიან გემრიელიცაა. ალბათ ბევრმა თქვენგანმა, ისევე, როგორც მე არ ვიცოდი თუ არსებობდა ხილის რამდენიმე სახეობა, რომლის არსებობის შესახებაც არაფერი ვიცოდი. წარმოგიდგენთ 10 ყველაზეუნაურ ხილს, რომლებიც ნაჭამი კი არა, ნანახიც არ გექნებათ.

romanescu-ის კომბოსტოს ენათესავება, მაგრამ რატომღაც მაინც უცნაური ხილის სიაშია შეტანილი. ის გემოთი კომბოსტოს წააგავს და ამავე დროს ბევრ ანტიოქსიდანტს შეიცავს.

ეს კი თხის წვერია, რომელიც მადის აღმძვრელად სულაც არ გამოიყურება. გემოთი კი თურმე მოლუსკებს წააგავს.

cucumis metuliferus ანუ აფრიკული ეკლებიანი ნესვი. გემოთი კი ტკბილ კიტრს ჰგავს, რომელიც მწკლარტე გემოს ტოვებს.

ამ ხილს კი ბუდას ხელი ეწოდება. ის გემოთი ძალიან წააგავს ლიმონს. ბუდას ხელი ძალიან პოპულარულია აზიაში და ციტრუსთა ოჯახის წარმომადგენლად მიიჩნევენ.

ვარსკვლავისებრი ხილი გემოთი მომჟაო-მოტკბოა და მისი გემო ყურძნის, მანგოს და ლიმონის გემოს წააგავს. მისი ნაჭრები კი აბსოლიტურ ვარსკვლავს წააგავს.

ეს ხილი კი jabotacaba გახლავთ, რომელიც ხის პარაზიტს ან სოკოს მოგაგონებთ. თქვენდა გასაკვირად კი ის ძალიან გემრიელიცაა. მისი გემო ქლიავს მოგაგონებთ.

დურიო-ამ ხილს ფეხბურთის ბურთის ზომა აქვს და დაფარულია სქელი ეკლიანი კანით. ის შიგნიდან ყვითელი ფერისაა და გამოცვლილი წინდის, კანალიზაციის და გეფუჭებული ხორცის გემოც აქვს. როგორც ამბობენ, მას კარგი გემო აქვსო.

რატომ აღარ კითხულობენ ჩვენი შვილები წიგნებს?შევაყვაროთ ბავშვებს კითხვა

რაც დრო გადის, სულ უფრო და უფრო მეტი მშობელი ჩივის, რომ მათი შვილები წიგნებს აღარ კითხულობენ.ბავშვები მთელ დღეს კომპიუტერთან და ტელევიზორის ეკრანთან ატარებენ და წიგნისაკენ გახედვაც აღარ უნდათ.

ლამის ყოველდღიურად ჩნდება ახალ ახალი გასართობები, რომლებიც მთლიანად იპყრობენ მოზარდი თაობის ყურადღებას.ისეთი შთაბეჭდილება იქმნება, თითქოს მთელი მსოფლიოს მეცნიერები იმას ცდილობენ, როგორმე ისეთი რამ გამოიგონონ, რაც ტოტალურად დაიპყრობს ბავშვის გონებას და იქ წიგნის ადგილს აღარ დატოვებს.

იყო დრო, როდესაც ყოველი ახალი წიგნის გამოსვლა დღესასწაული გახლდათ.წიგნს თითქმის ყველა კითხულობდა, წიგნის მაღაზიებში რიგები იდგა.ხანდახან ამა თუ იმ გამოცემას ვერც კი შოულობდნენ და მეგობრებისგან ინათხოვებდნენ ხოლმე.

სწორედ იმ დროიდანაა შემორჩენილი თითქმის ყველა ქართულ ოჯახში შესანიშნავი საოჯახო ბიბლიოთეკა.

დღეს ბავშვებს სხვა აღარაფრისთვის რჩებათ დრო და მთელ დღეს კომპიუტერთან ატარებენ.

რა შედეგები შეიძლება ამან გამოიღოს?

წიგნს მოწყვეტილი თაობები ძალიან იოლად ივიწყებენ ტრადიციულ ფასეულობებს.მთლიანად უახლესი გლობალური გამოგონებების ტყვეობაში ექცევიან და აღარ რჩებათ დრო ფიქრისათვის, ტრადიციებისათვის.

ყოველი ახალი ტექნოლოგიის შექმნა მნიშვნელოვნად აკნინებს წიგნის როლს საზოგადოების ცხოვრებაში.შეიძლება ითქვას, რომ სულიერება და წიგნი, როგორც ორი ერთმანეთისგან განუყრელი ფენომენი, გლობალიზაციის ეპოქაში საფრთხის წინაშე დადგა.

საზოგადოება უნდა დაფიქრდეს, გაანალიზოს მის წინაშე მდგარი საფრთხე და სულიერ ღირებულებებთან დაბრუნებით ჰარმონიულ ცხოვრებას მიაღწიოს.

ამის მიღწევა კი შეუძლებელია წიგნის დაკნინების ეპოქაში.

ყველამ ერთად უნდა გავაცნობიეროთ ის საფრთხე, რაც ჩვენ წინაშე მთელი სერიოზულობით დადგა.მისი გადალახვა მხოლოდ წიგნის დახმარებითაა შესაძლებელი.ჩვენი ვალია, წიგნს დავუბრუნოთ ძველი ფუნქცია, რათა საზოგადოება არ გადაგვარდეს.

რამდენიმე დღის წინ ტელევიზიით ერთი ცნობილი ქართველი მწერლის ინტერვიუ მოვისმინე.იგი ჩიოდა, რომ ახალგაზრდები წიგნებს აღარ კითხულობენ; რომ კომპიუტერმა და ინტერნეტმა ისე შეავიწროვა წიგნი, რომ რაც დრო გადის, წიგნისადმი ინტერესი კლებულობს;და რომ შეუძლებელია, ამან გავლენა არ მოახდინოს ჩვენი საზოგადოების სულიერ ცხოვრებაზეო.

მართლაც, ყველას არა ერთხელ მოგვისმენია უფროსი თაობის წარმომადგენელთა ჩივილი და საყვედური ახალგაზრდების მიმართ, რომლებიც, მათი აზრით წიგნებს აღარ კითხულობენ.

ნუთუ მართლაც ასეთი კატასტროფული ვითარება შეიქმნა საქართველოში?საკითხავია, მხოლოდ ახალგაზრდებმა დაკარგეს წიგნისადმი ინტერესი, თუ უფროსი თაობის წარმომადგენლებიც ნაკლებს კითხულობენ ახლა, ვიდრე წინათ?

იქნებ მათი საყვედურები უსაფუძლოა და თვითონაც ისევე არ კითხულობენ წიგნებს, როგორც მათი შვილები და შვილიშვილები;და იქნებ ის ბიბლიოთეკები, რომლებსაც საქართველოს თუნდაც ყველაზე მიყრუებული სოფლის უბრალო ბინაშიც კი შეხვდებით, მხოლოდ ბუტაფორიაა და ამ წიგნთაგან უმრავლესობა ერთხელაც არ გადაფურცლულა?

სამწუხაროდ, არარსებობს სტატისტიკური მონაცემები, საქართველოში ერთი ადამიანი საშუალოდ რამდენს კითხულობდა წინათ და რამდენს კითხულობს ახლა.სამაგიეროდ არსებობს სტატისტიკა, თუ როგორი მდგომარეობაა ამ მხრივ განვითარებულ ქვეყნებში.

საკითხავია, წიგნებისადმი ინტერესის კლება ზოგადსაკაცობრიო პრობლემაა თუ ეს მხოლოდ საქართველოში გვაწუხებს?საგულისხმოა ამ მხრივ სხვა ქვეყნების მაგალითი:ყველაზე მკითხველ ერად ფინელები ითვლებიან.საშუალო სტატისტიკური ფინელი კვირაში თითქმის ერთ წიგნს კითხულობს.ბოლო ათწლეულების განმავლობაში მთელ მსოფლიოში ყოველწლიურად უფრო და უფრო მეტი წიგნი გამოდის.სტატისტიკა გვიჩვენებს, რომ წიგნისადმე ინტერესი ბოლო ათწლეულში მკვეთრად არ შენელებულა.

ასე რომ, ”წიგნის მოყვარულთა”ვიშვიში საფუძველს მოკლებულია.

თუ ქართველი ბავშვები წიგნებს აღარ კითხულობენ, ეს გლობალიზაციას კი არ უნდა დავაბრალოთ მიზეზი ჩვენს თავში უნდა ვეძებოთ.ცნობილია, რომ ბავშვი რასაც ოჯახში ხედავს, იმასვე აკეთებს.თუ კითხვა და წიგნის სიყვარული ოჯახში ჩვეულებრივი მოვლენაა, ბავშვებიც სიამოვნებით კითხულობენ ხოლმე წიგნებს.ვფიქრობ ძნელად წარმოსადგენია ოჯახი, რომლის უფროსი წევრებიც გამუდმებით წიგნებს ჩაჰკირკიტებენ(და ტელევიზორს საერთოდ არ უყურებენ)ხოლო უმცროს თაობას წიგნი საერთოდ არ აინტერესებს.

წიგნი ყოველთვის იარსებებს და მისი ფუნქცია მუდამ იქნება როგორც ცოდნის გადაცემა, ასევე სიამოვნების მინიჭება და გართობაც კი.წიგნი დარჩება როგოც პიროვნების სულიერი ფორმირების უმთავრესი საშუალება.

ამავე დროს, კიდევ უფრო გაიზრდება კითხვის როლი და ასეთ შემთხვევაში განუზომელია ოჯახისა და სკოლოს მნიშვნელობა.ჩვენი მიზანია ბავშვებს შევაყვაროთ კითხვა, ხოლო მომავალმა თაობამ კითხვა შეიძლება გამოიყენოს როგორც ტრადიციული წიგნის, ასევე ნებისმიერი სამომავლოდ შექმნილი ტექნოლოგიური პროდუქციის წასაკითხად, რომელიც თანამედროვე წიგნის ამა თუ იმ ფუნქციას შეასრულებს.

წყარო: 1) http://intermedia.ge/