რით არის სასარგებლო ბრმა ნაწლავი ?

აპენდიციტი (ჭიანაწლავის ანთება) მუცლის ღრუს დაავადებებს შორის პირველ ადგილს იჭერს. იგი განსაკუთრებით ხშირია ახალგაზრდებში, სიცოცხლის მეორე და მესამე ათწლეულში, თუმცა შეიძლება ყველა ასაკში შეგვხვდეს.
აპენდიქსი – სწორი ნაწლავის ჭიისმაგვარი ნარჩენია, რომელსაც ხალხი ბრმა ნაწლავს უწოდებს. ის კუჭ–ნაწლავის ტრაქტის ნაწილად ითვლება, თუმცა საჭმლის მონელებაში არ მონაწილეობს. ეს არ ნიშნავს, რომ აპენდიქსი უსარგებლოა. ბევრი ფიქრობს, რომ ეს”ზედმეტი” ორგანო – ბუნების შემთხვევითი შეცდომაა. ბუნებაში ზედმეტი არაფერია, ყველაფერი თავის განსაკუთრებულ როლს ასრულებს, მათ შორის – ჭიანაწლავიც.

ინფექციებისგან დაცვა
ჭიანაწლავი მდიდარია ლიმფური ქსოვილით. როგორც ცნობილია, იმუნურ დაცვაში მთავარ როლს სწორედ ლიმფური სისტემა ასრულებს. ასე რომ, საჭმლის მომნელებელი ტრაქტის ანთებითი დაავადებების დროს, პირველ დარტყმას თავზე იღებს აპენდიქსი. მაგრამ თუ ხშირად და ინტენსიურად მუშაობა უხდება, მაშინ მისი კედლები იბერება, სივდება და ანთებითი პროცესი – აპენდიციტი ვითარდება.
სასარგებლო ბაქტერიების სათავსო
გერმანიასა და აშშ–ში ექსპერიმენტი ჩაატარეს და ჩვილ ბავშვებს ჭიანაწლავი ამოკვეთეს. ამას დადებითი შედეგი არ მოჰყოლია. დედის რძის გადამუშავების უნარი დაირღვა, პატარებს ხშირად აწუხებდათ დისბაქტერიოზი, ფიზიკურ და გონებრივ განვითარებაში ჩამორჩებოდნენ, ინფექციური დაავადებებით ხშირად ავადმყოფობდნენ.
ახლახან ამერიკელმა მეცნიერებმა გამოავლინეს, რომ ჭიანაწლავი სასარგებლო ბაქტერიების სათავსოა. ეს მეტად მნიშვნელოვანია, ვინაიდან საკვებისმიერი მოწამვლის, ნაწლავური ინფექციების და სხვა პრობლემების დროს, რომლებიც დეფეკაციას არღვევენ, ნაწლავებიდან არამხოლოდ დაავადების გამომწვევი, ასევე სასარგებლო ბაქტერიებიც გამოიდევნება. ამ შემთხვევაში ჭიანაწლავში დაცული მიკროორგანიზმები ჯანმრთელი ნაწლავური ფლორის ახალ თაობას დასაბამს აძლევენ. აპენდიქსის არქონის შემთხვევაში, გადატანილი ინფექციების შემდეგ დისბაქტერიოზი ხშირად ვითარდება.

აპენდიციტის სიმპტომები და მკურნალობა
განასხვავებენ ქრონიკულ და მწვავე აპენდიციტს.
მწვავე აპენდიციტს ახასიათებს უეცარი ტკივილი მუცლის ქვედა ნაწილში, უფრო მარჯვენა თეძოს ფოსოში, რაც ჭიანაწლავის ანატომიურ მდებარეობას შეესაბამება. ბავშვებსა და მოხუცებს ტკივილი სუსტად აქვთ გამოხატული. ტკივილს თან სდევს გულისრევა და ღებინება. აღინიშნება აირების შეფერხება და შეკრულობა, ზოგჯერ ფაღარათი. ტემპერატურა ხშირად 37,5–38,5 გრადუსამდე მატულობს. ბავშვებს უფრო მაღალი ტემპერატურა აქვთ, ხოლო მოხუცებს შეიძლება სრულებით არ ჰქონდეთ, თუნდაც მძიმე ფორმასთან გვქონდეს საქმე. მწვავე აპენდიციტის ყველა შემთხვევაში საჭიროა სასწრაფო ოპერაცია – ჭიანაწლავის მოკვეთა.
ქრონიკული აპენდიციტი, რომელსაც მარჯვენა თეძოს ფოსოში მუდმივი ან პერიოდული ყრუ ტკივილი ახასიათებს, ყოველთვის შეიძლება მწვავე აპენდიციტში გადაიზარდოს. ამიტომ საჭიროა ექიმის მეთვალყურეობა და დროული ოპერაციული მკურნალობა.
რჩევა
მუცელში ტკივილის დროს არ შეიძლება ექიმის დანიშნულების გარეშე ტკივილგამაყუჩებლების და ანტიბიოტკების მიღება. არ შეიძლება ოყნის გაკეთება, მუცელზე სათბურის დადება ან თბილი აბაზანის მიღება. ყველა ეს საშუალება დაავადებას ნიღბავს და შეცდომის მიზეზი ხდება.
მუცელში მწვავე ტკივილი უფრო ხშირად მწვავე აპენდიციტთან არის დაკავშირებული. ამიტომ სასწრაფოდ უნდა გამოუძახოთ ექიმს.
რაც უფრო სწრაფად გაკეთდება ოპერაცია, მით უფრო უსაფრთხოა და ავადმყოფს თავიდან ააცილებს უმძიმეს გართულებას – პერიტონიტს, რაც ხშირად საბედისწერო ხდება.

წყარო: 1) http://janmrtelobainfo.ge/

2) http://www.google.ge/search?q=%E1%83%91%E1%83%A0%E1%83%9B%E1%83%90+%E1%83%9C%E1%83%90%E1%83%AC%E1%83%9A%E1%83%90%E1%83%95%E1%83%98&hl=ka&tbo=d&source=lnms&tbm=isch&sa=X&ei=NTIVUfvcDePV4gSmp4HAAQ&ved=0CAcQ_AUoAA&biw=1440&bih=777

Usaid საქართველოში

მიმოხილვა

საქართველო, აშშ-ს პარტნიორი ტერორიზმთან ბრძოლაში, რეგიონიდან ევროპისაკენ ტრანსპორტირებული ენერგორესურსების დერეფანია. 2003 წლის ვარდების რევოლუციის შემდეგ საქართველოს მთავრობის მიერ გატარებულმა რეფორმებმა მოქალაქეების ცხოვრების დონე გააუმჯობესა. საქართველოში ეკონომიკისა და სტაბილური დემოკრატიის განვითარების მიზნით USAID-ის პროგრამები მიმართულია ეკონომიკის ზრდაზე, ჯანდაცვის, განათლებისა და მმართველობის გაუმჯობესებაზე, კანონის უზენაესობის დამკვიდრებაზე, ენერგო უსაფრთხოებასა და გარემოს დაცვაზე. 2008 წლის აგვისტოში სამხრეთ ოსეთის რეგიონში არსებული დაპირისპირების გამძაფრება საქართველოსა და რუსეთს შორის შეიარაღებულ კონფლიქტში გადაიზარდა. დაზარალდა საქართველოს რეგიონები, დაიღუპა მოსახლეობა, 100,000 ადამიანზე მეტი იძულებით გადაადგილებული გახდა, დაზიანდა სამოქალაქო ინფრასტრუქტურა. აშშ. მთავრობამ დაახლოებით 62 მილიონი დოლარი გაიღო ჰუმანიტარული დახმარების სახით. 2008 წლის ოქტომბერში გამართულ საქართველოს დონორთა კონფერენციაზე, USAID-ის ადმინისტრატორი, აშშ მთავრობის სახელით, დაჰპირდა ქვეყანას 1 მილიარდი დოლარის გამოყოფას, რაც დახმარებას გაუწევდა იძულებით გადაადგილებულ პირებს, ინფრასტრუქტურის აღდგენას, ეკონომიკის ზრდის განახლებას, დემიკრატიული ინიციატივების გაფართოებას და ინვესტორთა რწმენის აღდგენას.

პროგრამები

ეკონომიკის კონკურენტუნარიანობისა და კეთილდღეობის გაუმჯობესება

181 ქვეყანაში მსოფლიო ბანკის მიერ ყოველწლიური კვლევის “ბიზნესის კეთება” მიხედვით, საქართველომ 2005 წლის შემდეგ, 112-ე დან მე-12 ადგილზე გადაინაცვლა. ეს მნიშვნელოვანი წარმატებაა, რომელშიც აღსანიშნავია USAID-ის ეკონომიკის ზრდის პროგრამების წვლილიც. თუმცა კიდევ ბევრი დაბრკოლება არსებობს. ეკონომიკისა და კონკურენტუნარიანობის ზრდის მიზნით USAID-ის პროგრამები ეხმარება საქართველოს მთავრობას გააძლიეროს ეკონომიკური რეფორმებს შემუშავებისა და განხორციელების შესაძლებლობები. კერძო სექტორს კი ხელს უწყობს გაზარდოს კონკურენტუნარიანობა, განსაკუთრებით აგრარული პროდუქციისთვის. USAID-ის პროგრამები ცდილობს საქართველოს რაც შეიძლება მეტმა მოქალაქემ გაიგოს, მონაწილეობა მიიღოს და ისარგებლოს ამ რეფორმებით. ეს გააუმჯობესებს მოქალაქეთა წარმოდგენას მთავრობის ანგარიშვალდფებულებაზე, გამჭვირვალობასა და საქმის შესრულებაზე. ეკონომიკურ მიღწევებზე ინფორმირებულობა ეკონომიკური და სოციალური სტაბილურობის წინაპირობაა. ეკონომიკური ზრდის ინიციატივების მეშვეობით მოხდება ფართომასშტაბიანი მუნიციპალური ინფრასტეუქტურების აღდგენა, გაუმჯობესდება შემოსავლები სოფლად და შემცირდება სიღარიბის ზღვარი, გაუმჯობესდება საკვების უსაფრთხოება, გადაიჭრება მცირე-მასშტაბიანი საოჯახო და აგრარული წყლით მომარაგების პრობლემები და დახმარება გაეწევათ იძულებით გადაადგილებულ პირებს.

სოციალური მომსახურების გაუმჯობესება

ხარისხიანი მომსახურების მიღწევის მიზნით USAID საქართველოში ახორციელებს ჯანდაცვის, განათლებისა და ბავშვთა კეთილდღეობის პროგრამებს. კერძოდ, ეხმარება საქართველოს მთავრობას გააუმჯობესოს განათლების მართვა, ხელი

შეუწყოს შეზღუდული შესაძლებლობების მქონე პირებისთვის თანასწორუფლებიანი პირობების შექმნას და მუშახელზე მოთხოვნის დასაკმაყოფილებლადდანერგოს სახელობო განათლება. ჯანდაცვის პროგრამა ეხმარება დედათა და ბავშვთა ჯანმრთელობის გაუმჯობესებას და ზრდის ოჯახის დაგეგმვისა და რეპროდუქციული ჯანმრთელობის მომსახურების გამოყენებას. პროგრამები ეხმარება დაავადებათა მართვას და პრევენციული ღონისძიებების გატარებას აივ-ინფექციისა და ტუბერკულიოზისათვის. ბავშვთა კეთილდღეობის პროგრამა მიზნად ისახავს საბაზისო სოციალური მომსახურების გაწევას ქვეყნის ყველაზე დაუცველი მოსახლეობისთვის სოციალური მუშაკების რაოდენობისა და მათი შესაძლებლობების გაზრდით და ობოლთა თავშესაფრებში მცხოვრები ბავშვებისთვის უსაფრთხო და მუდმივი ოჯახური გარემოს უზრუნველყოფით. პროგრამები ეხმარება საქართველოს მთავრობას ჯანდაცვის სისტემის რეფორმირებაში, რაც მიზნად ისახავს მაღალი ხარისხის ჯანდაცვას და სკოლებისა და საავადმყოფოების რეაბილიტაციას.

დამოკრატიისა და მმართევლობის გაძლიერება

2008 წლის კონფლიქტის შემდეგ, საქართველოს მთავრობამ განაახლა დემოკრატიული რეფორმები, რაც მოიცავს საქართველოს დემოკრატიული ინსტიტუტების ანგარიშვალდებულების გაზრდას; პოლიტიკური პლურალიზმის გაძლიერებას; კანონის უზენაესობის გაძლიერებას მოსამართლეთა მიერ კეთილსინდისიერი სასამართლო სარჩელის გამოტანით; მოსამართლეთა სამუდამო ვადით დანიშვნით; და კერძო საკუთრების დაცვის გაძლიერებით. უწყობს რა ხელს დემოკრატიული საქმიანობების ფართო სპექტრს, USAID საშუალებას აძლევს საქართველოს მთავრობას ერთგული დარჩეს აღებული კურსისადმი. USAID თანამშრომლობს საქართველოს პარლამენტთან წევრებისა და პოლიტიკური ფრაქციების გაძლიერების მიზნით, რათა შეიქმნას პოლიტიკური დებატებისათვის საჭირო გარემო. USAID -ის პროგრამები მუშაობს საქართველოს სასამართლოს ადმინისტრირებისა და საქმეთწარმოების გასაუმჯობესებლად, ისინი დამოუკიდებელს გახდის მართლმსაჯულებას, როგორც მთავრობის თანასწორ შტოს, და გააუმჯობესებს საქართველოს კომერციული სამართლის სისტემას, აამაღლებს იურიდიული განათლების დონეს. USAID ცდილობს გაზარდოს ნდობა საარჩევნო პროცესებისადმი, ინტენსიური გახადოს დიალოგი მთავრობასა და სამოქალაქო საზოგადოებას შორის და გააუმჯობესოს სამოქალაქო განათლების დონე. გაწეული დახმარებით შესაძლებელი გახდება პოლიტიკურად დაბალანსებული, ცენზურისაგან თავისუფალი, პროფესიონალური მედიის განვითარება.
ენერგოუსაფრთხოების გაძლიერება

საქართველოს მთავ რობის მიერ გატარებული რეფორმების შედეგად გაუმჯობესდა ქვეყნის ელექტორენერგიით მომარაგება. მაგრამ ენერგომომსახურება, ჯერ ბოლომდე ვერ აკმაყოფილებს ქვეყნის მოთხოვნებს. USAID-ის პროექტები ხელს უწყობს პოლიტიკის შემუშავებას, ეწევა ტექნიკურ დახმარებას და ცდილობს ინვესტორების მოზიდვას ახალი ჰიდროელექტროსადგურების ასაშენებლად. ახალი გადამცემი ხაზების აგებით და მართვისა და ტექნოლოგიების გაუმჯობესებით პროექტები მუშაობს ბუნებრივი გაზსადენის ინფრასტრუქტურის და ელექტროენერგიის გადაცემის გაუმჯობესებაზე რაც ხელს უწყობს ელექტროენერგიის ეფექტიანობას.

გარემოს დაცვა

USAID -ის გარემოს დაცვის პროგრამები მიმართულია წყალსაცავის ინტეგრირებული მართვის პროგრამის შემუშავებისკენ, რათა გაუმჯობესდეს ბუნებრივი რესურსების მდგრადი გამოყენება, კერძოდ, გაუმჯობესდეს წყლის ხარისხი და სატყეო რესურსებით სარგებლობა, ამასთანავე ეხმარება საქართველოს მოახდინოს ადაპტაცია კლიმატის ცვლილებისადმი.

წყარო: 1) http://georgia.usaid.

2) http://www.google.ge/search?q=usaid+%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A8%E1%83%98&hl=ka&tbo=d&source=lnms&tbm=isch&sa=X&ei=jtoUUeG-L6SN4ATLoIGQDw&ved=0CAoQ_AUoAA&biw=1440&bih=777&sei=l9oUUdTsGof24QT38oD4AQ

3) http://www.youtube.com/